2026 жылғы 14 шілдеде Есіл қаласының әкімі Г.М. Айтмұхамбетов пен «Есіл ауданының құрылыс, сәулет және қала құрылысы бөлімі» ММ басшысының міндетін атқарушы И.В. Рахманова теміржол вокзалы аумағында кәсіпкерлік қызметпен айналысатын кәсіпкерлермен кездесу өткізді.
Кездесудің негізгі тақырыбы сауда нысандарының бірыңғай сәулеттік келбетін қалыптастыру мәселесі болды. Кәсіпкерлерге вокзалдың жаңартылған сыртқы келбетімен үйлесімді үндесетін, ғимараттардың қасбеттерін бірыңғай стильде безендіру бойынша ұсыныстар таныстырылды.
Ұсынылған тұжырымдама кәсіпкерлер тарапынан қолдау тапты. Кездесуге қатысушылар ұсынылған шешімдермен келісетіндерін білдіріп, вокзал маңы аумағының заманауи, ұқыпты әрі тартымды келбетін қалыптастырудың маңыздылығын атап өтті.
Бірыңғай сәулеттік стильді іске асыру вокзал аумағын абаттандырудағы маңызды қадамдардың бірі болып, оны қала тұрғындары мен қонақтары үшін жайлы әрі тартымды ете түседі.
