Түркістан облысында «Ауыл құтқарушылары» жобасын дамыту, елді мекендердегі өрт қауіпсіздігін күшейту және ТЖ-ді алдын алу мәселелері талқыланды.
Осы орайда облыс әкімінің бірінші орынбасары З.Жолдасовтың төрағалығымен аудандық әкімдіктер өкілдері мен жауапты тұлғалардың қатысуымен кеңейтілген кеңес өтті.
Кеңес барысында аудандарда «Ауыл құтқарушылары» өрт сөндіру пункттерін ашу мәселелері қаралды.
Сонымен қатар, шалғайдағы елді мекендердегі өрттерге жедел реакция көрсету, халық арасында өрт қауіпсіздігі мәдениетін қалыптастыру және ерікті құтқарушылар санын арттыру бойынша ұсыныстар енгізілді.
