2025 жылғы 24–26 қыркүйек аралығында Ақтау қаласында Mangystau International Tourism Forum өтті. Форумға мемлекеттік органдардың өкілдері, бизнес қауымдастықтар, инвесторлар, сондай-ақ Экономикалық ынтымақтастық және даму ұйымына (ЭЫДҰ) мүше елдерден және Иран, Түрікменстан, Әзербайжан, Өзбекстан, Қырғызстан мен Тәжікстаннан келген сарапшылар қатысты.
Форумның негізгі мақсаты – Маңғыстау өңірінің туристік әлеуетін халықаралық деңгейде таныстыру, туризм саласындағы ынтымақтастықты дамыту және жаңа инвестициялық жобаларды талқылау болды. Іс-шара өңірдің туристік мүмкіндіктерін кеңінен насихаттап, халықаралық әріптестікті нығайтуға және инвестиция тартуға бағытталған маңызды алаңға айналды.
