Халықаралық Euronews телеарнасының «Modern Nomads» бағдарламасында Маңғыстау облысының туристік әлеуетіне арналған арнайы шығарылым жарық көрді.
Бағдарламада өңірдің бірегей табиғаты, тарихи-мәдени мұрасы және негізгі туристік бағыттары кеңінен таныстырылды. Халықаралық аудиторияға Маңғыстаудың көрікті жерлері, табиғи ландшафттары және мәдени ерекшеліктері ұсынылып, өңірдің туристік әлеуетіне ерекше назар аударылды.
Арнайы шығарылым Маңғыстауды халықаралық туристік бағыт ретінде танытуға және шетелдік туристердің қызығушылығын арттыруға бағытталған маңызды медиа-жоба болды.
