Отырар ауданы, Қарғалы ауылында бидайға орақ салу науқаны басталды. Биыл 60 гектар алқапқа егілген бидайдың өнімділігі жоғары.
Ауданда алғашқылардың бірі болып бидай өсіруді қолға алған жергілікті кәсіпкерлер 4 жыл қатарынан тұрақты әрі мол өнімге қол жеткізіп келеді. Бидай дақылын егіп табысқа жеткен «Қарабала», «Төлеген», «Төребек» шаруақожалықтары биылғы өнім көлемі жоғары екенін айтуда. Жер бабын тауып, тұрақты нәтиже көрсетіп отырған диқандар науқанды қысқа мерзімде сапалы түрде аяқтауды жоспарлап отыр.
