🔹Байғанин ауданының әкімі Айбек Купенов жергілікті ауқымдағы табиғи сипаттағы төтенше жағдай салдарынан зақымданған әлеуметтік нысандарды аралап, қалпына келтіру жұмыстарының барысымен танысты.
🔹Аралау барысында білім беру ұйымдарындағы зақымданған шатырларды, терезелерді және ғимараттардың сыртқы қабырғаларын қалпына келтіру жұмыстары қаралды. Жауапты мердігер ұйымдардың атқарып жатқан жұмыстары бағаланып, бірқатар нақты тапсырмалар берілді.
🔹Сонымен қатар, аудан әкімі Қарауылкелді орта мектебінде реновация жобасы аясында жүргізіліп жатқан күрделі жөндеу жұмыстарының барысымен танысты.
🔹Аудан әкімі жауапты тұлғаларға жөндеу-қалпына келтіру жұмыстарын сапалы жүргізіп, жаңа оқу жылы басталғанға дейін толық аяқтауды тапсырды.
