🔹 «Заң мен Тәртіп» идеологиясын іске асыру аясында 2026 жылы 24 шілдеде Әулиекөл ауданының аудандық мәдениет үйінде мүмкіндігі шектеулі азаматтарды қолдауға бағытталған «Мүмкіндік» әлеуметтік-құқықтық акциясы өтті.
🔹Іс-шараға прокуратура өкілдері, мемлекеттік органдардың мамандары, сондай-ақ аудандық ұйымдар мен кәсіпорындардың өкілдері қатысты. Акция барысында тұрғындарға әлеуметтік қорғау, жұмыспен қамту, зейнетақымен қамсыздандыру, денсаулық сақтау, білім беру және өзге де өзекті мәселелер бойынша құқықтық кеңестер берілді.
🔹Ұйымдастырушылардың айтуынша, акцияның басты мақсаты – мүмкіндігі шектеулі азаматтардың құқықтық сауаттылығын арттыру, олардың қоғамға толыққанды кірігуіне ықпал ету және заңмен кепілдендірілген құқықтарын іске асыру үшін тең мүмкіндіктер жасау.
Қостанай облысы
Әділет департаментінін
Баспасөз кызметі
