Антибиотиктер – бактериялық инфекцияларды емдеуге арналған дәрілік препараттар. Олар вирустық инфекцияларға, соның ішінде тұмау мен жедел респираторлық вирустық инфекцияларға (ЖРВИ) әсер етпейді.
Антибиотиктерді дәрігердің тағайындауынсыз қабылдау:
антибиотиктерге төзімділіктің (антимикробтық резистенттіліктің) қалыптасуына; емнің тиімділігінің төмендеуіне; аллергиялық реакциялар мен басқа да жағымсыз әсерлердің туындауына әкелуі мүмкін.Есте сақтаңыз:
Антибиотиктерді тек дәрігердің тағайындауымен қабылдаңыз. Дәрілік препаратты ұсынылған дозада және белгіленген мерзімде қолданыңыз. Емдеу курсын өз бетінше тоқтатпаңыз. Антибиотиктерді өзге адамдарға ұсынбаңыз және қалдық препараттарды кейін қолданбаңыз.Антибиотиктерді ұтымды пайдалану – әрбір азаматтың денсаулығы мен қоғамның қауіпсіздігіне қосқан үлесі!
Өз денсаулығыңызға жауапкершілікпен қараңыз!
