Ақмола облысы бойынша Ішкі мемлекеттік аудит департаментінде Қазақстан Республикасы Қаржы министрлігі Ішкі мемлекеттік аудит комитеті өкілдерінің қатысуымен семинар өтті.
Іс-шара барысында мемлекеттік аудит және қаржылық бақылау саласындағы заңнама талаптарын іске асыру мәселелері жан-жақты қарастырылды. Қатысушыларға Қазақстан Республикасының «Сыбайлас жемқорлыққа қарсы іс-қимыл туралы» және «Мемлекеттік аудит және қаржылық бақылау туралы» заңдарының негізгі нормалары, сондай-ақ Қазақстан Республикасы Қаржы министрінің бұйрықтарымен бекітілген ішкі мемлекеттік аудитті жүргізу қағидалары мен Әдеп кодексінің талаптары түсіндірілді.
