Брифинг барысында Қызылорда облысы Полиция департаментінің 2026 жылдың алғашқы жартыжылдығында атқарған жедел-қызметтік жұмыстарының қорытындысы сараланып, қоғамдық қауіпсіздікті қамтамасыз ету және құқықтық тәртіпті нығайту бағытында жүзеге асырылған жұмыстар туралы кеңінен айтылды. Өңірдегі криминогендік ахуал тұрақты. Полиция қоғамдық қауіпсіздікті қамтамасыз ету және құқықтық тәртіпті нығайту бағытындағы жұмыстарды жүйелі түрде жалғастыруда. Сонымен қатар интернет-алаяқтықтың алдын алу, есірткі қылмысына қарсы іс-қимыл, жасөспірімдер арасындағы құқық бұзушылықтың профилактикасы, жол қауіпсіздігін қамтамасыз ету, тұрмыстық зорлық-зомбылықтың алдын алу және полиция қызметін цифрландыру бағытында атқарылып жатқан жұмыстар туралы сөз қозғалды. Брифинг соңында полицияның басты міндеті – азаматтардың қауіпсіздігін қамтамасыз ету, құқықтық тәртіпті сақтау және қоғаммен ашық байланыс орната отырып, халықтың сенімін нығайту екені атап өтілді.
