Қазақстандағы Адам құқықтары жөніндегі Уәкілдің Атырау облысы бойынша өкілі Атырау облысы әкімі жанындағы Кәмелетке толмағандардың істері және олардың құқықтарын қорғау жөніндегі комиссиясының кезеекті отырысына қатысты.
Атырау облысы әкімінің орынбасары Дарын Шамуратовтың төрағалығымен өткен жиында жасөспірімдер арасындағы нашақорлықтың алдын алу, синтетикалық есірткілердің таралуына қарсы күрес, кәмелетке толмағандар арасындағы суицидтің алдын алу, сондай-ақ жаз мезгілінде балалардың су айдындарындағы қауіпсіздігін қамтамасыз ету мәселелері қаралды.
Отырыс кезінде Атырау облыстық денсаулық сақтау басқармасы басшысының орынбасары Әлия Жанғалиева, облыстық полиция департаментінің есірткі қылмысына қарсы іс-қимыл басқармасының жедел уәкілі Айбол Идрисов, облыстық полиция департаменті қоғамдық қауіпсіздік басқармасы бастығының орынбасары Абзал Әліпқалиев баяндама жасады.
