АБАЙ БОЛЫҢЫЗ! КҮДІКТІ QR-КОДТАР
Қылмыскерлер есірткіге байланысты заңсыз әрекеттерге азаматтарды тарту үшін QR-кодтарды жиі пайдалануда.
QR-код арқылы сізге мыналар ұсынылуы мүмкін:
- «Жеңіл табыс» табу үшін курьер болу — шын мәнінде бұл есірткі жасырып кететін адамның жұмысы.
- Граффити салу үшін ақылы жұмыс — бұл интернет-дүкендердің мекенжайлары мен QR-кодтары көрсетілген есірткі жарнамасын салу.
- Telegram-арналарға және басқа мессенджерлерге өту — онда есірткінің заңсыз айналымына қатысу ұсынылады.
Есте сақтаңыз!
Сізге жоғары табыс пен жасырындық уәде етілсе де, мұндай әрекетке қатысу қылмыстық құқықбұзушылық болып табылады.
Граффити және QR-кодтар арқылы есірткі жарнамасын орналастырғаны үшін Қазақстан Республикасы Қылмыстық кодексінің 299-1-бабы бойынша қылмыстық жауапкершілік көзделген.
Сондай-ақ есірткі құралдарын сақтау, тасымалдау және тарату үшін де ұзақ мерзімге бас бостандығынан айыру жазасы қарастырылған.
Не істеу керек?
- Күдікті QR-кодтарды сканерлемеңіз.
- Белгісіз сілтемелерге өтпеңіз.
- «Жеңіл табыс» туралы ұсыныстарға келіспеңіз.
- Күдікті QR-кодтарды немесе есірткі жарнамасын байқасаңыз, 102 нөмірі арқылы полицияға хабарлаңыз.
Бір ғана сілтемені ашу сізді қылмыстық жауапкершілікке әкелуі мүмкін. Өзіңізді және жақындарыңызды қорғаңыз!
ШҚО ПД баспасөз қызметі
