Паразиттік аурулар - паразиттік құрттар тудыратын аурулардың әртүрлі тобы. Ең жиі таралған түрлері: аскаридоз, энтеробиоз, описторхоз, лямблиоз, эхинококкоз.
Паразиттер аллергиялық реакциялардың, терідегі кішкентай бөртпеден ауыр анафилаксия (шок, бронх демікпесі) дамуын тудырады. Гельминттер орналасқан органның қабырғаларын механикалық түрде тітіркендіреді. Олар ми, бауыр, өкпе, ас қорыту жүйесіне, қан түзетін мүшелерге, теріге, көру мүшелеріне және басқа тіндерге әсер етуі мүмкін. Гельминттер жергілікті және жалпы әсер ететін көптеген токсиндерді шығарады. Жалпы әсер ететін токсиндер адамның әлсіздігін, тітіркенуін, тез шаршауын, бас ауруын, өнімділіктің төмендеуін, температураның жоғарылауын тудырады, ал балаларда - өсудің баяулауы, орган жасушалары жойылады.
Паразитозды жұқтыру жолдары әртүрлі:
* Жуылмаған көкөністер, жемістер, жидектермен, нашар пісірілген етпен және балықпен ас қорыту жолдары, ластанған су немесе топырақ, жануарлармен байланыс арқылы;
* Паразиттердің жұмыртқалары немесе кисталары бар шаңды жұту кезінде;
* Паразиттер тұщы су қоймаларында шомылу кезінде шырышты қабаттар немесе тері арқылы өтеді;
* Тістеген кезде балаңқұрттар (личинка) тарататын жәндіктерден;
* Дені сау адам ауру жұқтырған адаммен жеке байланыста болған кезде.
Егер сумен немесе тамақпен ластанған адам лас қолдар арқылы немесе жуылмаған көкөністерді жеген кезде құрттардың піскен жұмыртқаларын балаңқұртымен жұтып қойса, онда ішекте олар ересек құрттарға айналады.
Паразиттік аурулардың алдын алу мақсатында алдын алу шаралары:
* жеке гигиена ережелерін қатаң сақтау, тамақтанар алдында, дәретханаға барғаннан кейін, иттер мен мысықтармен араласқаннан кейін және жалпы ластанудан кейін қолды сабынмен мұқият жуу, өйткені гельминт инфекциясының ең көп тараған себептерінің бірі - лас қолдар;
* Тырнақты қысқартып алу, балалардағы тырнақты шайнау және саусақтарды аузына салу сияқты жаман әдеттерінен арылту;
* Үйді таза ұстау. Қоқыс пен тамақ қалдықтарын жинамай, үнемі шығарып тұру, шыбын, кеміргіштер және басқа жәндіктердің пайда болуының алдын алу;
* Термиялық өңдеусіз жейтін көкөніс, жеміс-жидектер мен бақша өнімдерін мұқият жуып, қайнаған сумен шаю;
* Ет және балық өнімдерін тек сауда желісінен сатып алу, оларды мұқият термиялық өңдеуден кейін ғана жеу; санитариялық-ветеринариялық сараптамадан өтпеген етті жемеу;
* Тек қайнатылған немесе бөтелкедегі суды ішу. Суды 2-4 минут қайнату оны зарарсыздандырады;
* Үй иелеріне іргелес аумақты тиісті гигиеналық жағдайда ұстау, аула, балалар ойын алаңдарының топырағын адам мен жануарлардың секрецияларымен ластанудан қорғау;
* Балаларға қаңғыбас (аула) мысықтар мен иттермен ойнауға және ұстауға рұқсат бермеу. Көшедегі жануарлар паразиттердің ошағы болып табылады, олар жиі ауырады және аз өмір сүреді. Егер сіз жануарларды үйде ұстасаңыз, оларды тоқсан сайын профилактикалық дегельминтизациядан өткізіңіз;
* Балалар ойыншықтарын үнемі жуу және дезинфекциялау;
* Шикі және дайын өнімдер үшін әртүрлі кесу тақталары мен пышақтарды пайдалану;
* Шикі тағамдар мен дайын тағамдарды бөлек сақтау, тек таза орау материалын пайдалану керек;
* Бақша көкөністері мен жидектерді алдын ала компостпен залалсыздандырылмаған нәжіспен өңдеуге жол бермеу.
Жеке гигиена мен алдын-алу шараларын қолдана отырып, Сіз өзіңізді гельминт инфекциясынан қорғайсыз. Паразиттік аурудың алғашқы белгілерінде дереу медициналық көмекке жүгініңіз! Өзін-өзі емдеуге болмайды!Есіңізде болсын! Ауруды емдеуден гөрі оның алдын-алу оңай.
