24.06.2026 жылы Маңғыстау облысы Әділет департаменті «Заң және тәртіп» қағидаттарын ілгерілету мақсатында Ақтау қаласындағы Т.Айбергенұлы атындағы №19 мектеп-гимназияның жазғы лагерінде демалушы балаларға «Кәмелетке толмағандардың құқықтары, міндеттері мен жауапкершілігі» және «Буллингтің алдын алу» тақырыптарында дәріс өткізді.
Іс-шараға Әділет департаментінің бөлім басшылары, Ақтау қаласы Полиция басқармасының қызметкерлері және заң қауымдастығының өкілдері қатысты.
Кездесудің мақсаты – балалардың құқықтық сауаттылығын арттыру және заңға құрметпен қарау мәдениетін қалыптастыру.
Дәріс барысында балалар белсенділік танытып, өздерін қызықтырған сұрақтарға жауап алды.
