Ақмола облысында "Қауіпсіз үй" жедел-профилактикалық іс-шарасы басталды. 5 қазаннан бастап полицейлер басқа қызметтердің өкілдерімен бірлесіп, есепте тұрған азаматтарға атаулы тексерулер жүргізіп, халықпен профилактикалық жұмысты күшейтуде.
Рейдтер өткізуге 360-тан астам адам тартылды. Мобильді топтардың құрамына жедел қызметтердің қызметкерлері, учаскелік полиция инспекторлары, көші-қон қызметінің, пробация қызметінің өкілдері, сондай-ақ қоғамдық көмекшілер мен еріктілер кірді.
Олардың ішінде-шартты түрде мерзімінен бұрын босатылған, бұрын сотталған, отбасылық-тұрмыстық құқық бұзушылықтар, алкогольді теріс пайдалану, сондай-ақ қолайсыз отбасылар үшін профилактикалық есепте тұрған адамдар.
Полицейлер тексерілген азаматтардың әрқайсысымен профилактикалық әңгімелер өткізіп, заңнама талаптарын түсіндірді. Алғашқы күннің қорытындысы бойынша екі бұзушыға қатысты шартты түрде мерзімінен бұрын босатудың күшін жою туралы өтініштер жолданды.
Рейдтер барысында көші-қон заңнамасының 17 бұзушылығы және шетел азаматтарының өңір аумағында заңсыз болуының 9 фактісі анықталды.
Профилактикалық жұмыс тек есепте тұрған адамдарға қатысты ғана жүргізілмейді. Полицейлер әкімшілік учаскелердің тұрғындарымен кездесіп, сұрақтарға жауап беріп, жеке және қоғамдық қауіпсіздік шараларын түсіндіруде. Бірінші күні халықпен 57 кездесу өтті, оған 500-ден астам ақмолалық қатысты.
Іс-шара аясында азаматтық қару иелеріне ерекше көңіл бөлінеді. Полицейлер қаруды сақтау мен пайдаланудың белгіленген ережелерін сақтауын тексеруде.
"Қауіпсіз үй" жедел-профилактикалық іс-шарасы 5 қарашаға дейін жалғасады. Оның негізгі міндеті — бұзушылықтарды уақтылы анықтау, қайталанған құқық бұзушылықтардың алдын алу және азаматтардың қауіпсіздік деңгейін арттыру.
