«Көктем» сауда орталығының кәсіпкерлерімен кездесті

Атырау облысы Әділет департаментінің қызметкерлері тауар белгілерін пайдалану бойынша түсіндірме жұмыстарын жүргізу мақсатында «Көктем» сауда орталығының кәсіпкерлерімен кездесті.
Шараның барысында зияткерлік меншік құқықтарын бұзу, бүгінгі күні көптеп кездесетін контрафактілік өнімдер туралы және мемлекет тарапынан зияткерлік меншік құқықтарын сақтау және қорғау үшін қолайлы жағдайларды қамтамасыз ету бағытында қабылданып жатырған шаралары туралы атап өтілді.
Сондай-ақ маркетплейсстер бүгінде тауарлар мен қызметтерді сатудың ең қарқынды дамып келе жатқан арналардың бірі болғандықтан, тауар белгісі заңсыз орналасқан контрафактілік өнімдер осы платформада көбейгені туралы және кәсіпкерлерге зияткерлік меншік саласында Әділет органдарының атқаратын қызметі туралы айтылып, зияткерлік меншікті қорғау бойынша кеңестер берілді.