Remitly американдық компаниясының мәліметінше, Immigration Index 2026 рейтингісінде Қазақстан ТМД елдерінің арасында бірінші орынды иеленді. Рейтинг әлемнің 82 елін қамтиды, Қазақстан 53 орынды иеленді.
Салыстыру үшін:
• Молдова - 56 орын
• Әзірбайжан - 66 орын
• Армения - 74 орын
• Өзбекстан - 75 орын
Ресей, Беларусь, Украина және Қырғызстан рейтингке кірмеген.
Елдер 34 маңызды көрсеткіш бойынша бағаланады: қауіпсіздік, өмір сүру құны, тұрғын үйдің қолжетімділігі, денсаулық сақтау, білім беру сапасы және жалпы өмір сүру жайлылығы.
Сарапшылар әсіресе Қазақстанда қауіпсіздік деңгейі жоғары және өмір сүруге қолайлы жағдай жасалғанын атап өтті.
