Ақмола облысында діни экстремизм мен терроризмнің алдын алу мақсатында «Қазақтелеком» АҚ қызметкерлерімен ақпараттық-түсіндіру кездесуі өткізілді.
Кездесу барысында мамандар қатысушыларға діни экстремизмнің қазіргі заманғы қауіп-қатерлері, азаматтарды дәстүрлі емес діни ағымдарға тарту тәсілдері, сондай-ақ әлеуметтік желілер мен интернет-ресурстар арқылы қолданылатын үгіт-насихат және вербовка әдістері туралы түсіндірді.
Әсіресе радикалды көзқарастарды таратуға бағытталған тұлғалардың ықпал ету белгілерін тану, сондай-ақ интернетте жарияланатын ақпаратқа сыни тұрғыдан қарау мәселелеріне ерекше назар аударылды.
Сонымен қатар экстремистік және террористік әрекеттерге қатысудың құқықтық салдары, заңға қайшы материалдарды таратқаны үшін жауапкершілік, сондай-ақ күмәнді фактілер туралы құзыретті органдарға дер кезінде хабарлаудың маңыздылығы түсіндірілді.
Өткізілген іс-шара қызметкерлердің қазіргі заманғы қауіп-қатерлер туралы хабардарлығын арттыруға және жат идеологияның таралуына қарсы тұру жолдарын түсіндіруге мүмкіндік берді.
Ақмола облысы ҰҚКД ТҚО бөлімінің ақпараты негізінде дайындалды
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.









