Алматыда экстремизм мен терроризмнің алдын алу мақсатында тұрғындармен ақпараттық-түсіндіру кездесулері өткізілді.Ағымдағы жылдың 9 мен 13 қарашааралығында ұйымдастырылған 17 іс-шараға жалпы 1722 адам қатысқан. Бұл туралы қалалық дін істері жөніндегі басқарма хабарлады.
Кездесулер басқармаға қарасты «Дін мәселелерін зерттеу орталығының» тапсырысымен ұйымдастырылған. Профилактикалық жұмыстар мектептер мен колледждерде, жоғары оқу орындарында және өзге де қоғамдық мекемелерде жүргізілді.
Атап айтқанда, іс-шаралар №156, №230, №117 мектептерде, Әди Шәріпов атындағы №16 мектеп-гимназияда, Абай ұлттық мектебінде, №207 мектеп-лицейде, Мұхтар Әуезов атындағы №128 мектепте және №79 гимназияда өтті.
Колледждер арасында Алматы көпсалалы технико-экономикалық колледжі, Қазақ ұлттық қыздар педагогикалық университетінің кәсіптік білім беру колледжі және «ТАЛАНТ-К» медициналық колледжі қамтылды. Сондай-ақ кездесулер Satbayev University, Кенжеғали Сағадиев атындағы Халықаралық бизнес университеті, №10 кітапхана және басқа мекемелерде ұйымдастырылды.
Қатысушыларға экстремизм мен терроризмнің қоғамға төндіретін қаупі түсіндіріліп, ықтимал қауіптердің алдын алу мәселелері жөнінде ақпарат берілді. Аталған 1722 адамдық көрсеткіш осы төрт күндегі барлық кездесулердің қатысушыларын қамтиды.
Материал Алматы қаласы бойыншаТҚК аппаратының ақпараты негізінде дайындалған
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.







