«БІЛІМ БЕРУ БӨЛІМІНІҢ БІР КҮНІ»: ТЕРЕҢКӨЛ МЕКТЕП-БӨБЕКЖАЙ КЕШЕНІНДЕ

«Табысқа қадам: Bilim&Sapa» аудандық жобасы аясындағы «Білім беру бөлімінің БІР КҮНІ» іс-шарасы Тереңкөл мектеп-бөбекжай кешенінде жалғасын тапты.

Іссапар барысында аудандық білім беру бөлімінің басшысы, бас мамандар мен әдіскерлер білім беру ұйымындағы оқу-тәрбие жұмыстарының ұйымдастырылу барысын зерделеп, сабақтарға қатысып, педагогтердің кәсіби қызметімен және білім сапасын арттыру бағытындағы тәжірибелерімен танысты.

Сонымен қатар мектеп пен бөбекжайдағы білім алушыларға жасалған жағдайлар, оқу кабинеттері мен топ бөлмелерінің жабдықталуы, материалдық-техникалық база, тәрбиелік іс-шаралар және білім беру қызметінің өзекті мәселелері қарастырылды.

Кездесу барысында білім беру ұйымының жұмысын жетілдіру, анықталған мәселелерді шешу және педагогтерге әдістемелік қолдау көрсету бағыттары назарға алынды.
Әр мектептің даму жолы – сапалы білім мен жүйелі жұмыстың нәтижесі!