Қазақстан заңгерлер одағы» республикалық қоғамдық бірлестігінің Түркістан облыстық филиалының төрағасы Пернебаева Гүлнара Жексембаевна жаңа Конституцияға қатысты өз пікірін білдірді.
💬 «Мен жаңа Конституциядан ең алдымен әділеттілікті, заң алдындағы теңдікті, жауапкершілікті, ашықтықты және халық мүддесінің қорғалуын көремін.
Менің ойымша, жаңа Конституция – еліміздің болашағына бағытталған маңызды тарихи қадам. Конституцияның басты құндылығы – адам, оның өмірі, құқықтары мен бостандықтары. Заң үстемдігі орнаған жерде әділеттілік салтанат құрады, ал әділетті қоғамда тұрақтылық пен сенім қалыптасады.
Біз үшін тек заң қабылдау жеткіліксіз. Ең бастысы – оның талаптарын өмірде мүлтіксіз орындау. Әрбір азамат өз құқығын біліп, міндеттерін адал атқарғанда ғана құқықтық мемлекет қалыптасады.
Менің ұстанымым айқын: Конституция – жай ғана заңдар жинағы емес, ол – халықтың сенімі, мемлекеттің тірегі және болашақ ұрпақ алдындағы жауапкершілігіміз!
Еліміздің іргесі берік, тәуелсіздігіміз тұғырлы, заңымыз үстем, халқымыз бірлікте болсын!» 🇰🇿
#ЖаңаКонституция #ӘділеттіҚазақстан #ЗаңМенТәртіп #ТүркістанОблысы
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
