Балалар шығармашылығы үйінің ұжымы «Таза Қазақстан» жалпыұлттық экологиялық акциясына қосылып, Қостанай ауданы Заречное ауылының маңында орналасқан Таскөл көлінің аумағында тазалық жұмыстарын ұйымдастырды.
Қатысушылар тұрмыстық қоқыстарды жинап, көл жағалауын тазалап, айналасын ретке келтірді. Әрқайсысы ортақ іске өз үлесін қосты. Өйткені туған өлкенің тазалығы қарапайым істерден басталады.
Таскөл көлі өзінің табиғи сұлулығымен, тарихи құндылығымен және мөлдір суы бар қайнар бұлақтарымен ерекшеленеді. Осындай бірегей табиғи орындарды сақтау — баршамыздың ортақ міндетіміз.
Мұндай іс-шаралар қоршаған ортаның тазалығын сақтауға ғана емес, әсіресе жас ұрпақтың табиғатқа деген жанашырлық көзқарасын қалыптастыруға да ықпал етеді.
«Таза Қазақстан» — елімізді таза ұстауға, табиғи байлықтарын сақтауға және туған жерге деген сүйіспеншілікті келешек ұрпаққа жеткізуге бағытталған ортақ бастама. #ТазаҚазақстан
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
