«Кітап оқитын ұлт» республикалық марафонының «Кітап оқитын университет» бағыты аясында Әлихан Бөкейхан университетінде жоба қатысушыларымен ақпараттық-түсіндіру кездесуі өтті.
Кездесуге Абай облысының жастар саясаты мәселелері жөніндегі басқармасының басшысы Олжас Түсіпбекұлы Бейсенбаев қатысып, жобаның жастардың зияткерлік әлеуетін арттырудағы, кітап оқу мәдениетін қалыптастырудағы маңыздылығына тоқталды. Сондай-ақ қатысушыларға сәттілік тілеп, белсенділік танытуға шақырды.
Кездесу барысында марафонның негізгі талаптары, кітаптарды оқу кезеңдері, оқылған шығармалар бойынша пікір жазу және кері байланыс беру тәртібі жан-жақты түсіндірілді. Қатысушылар өздерін қызықтырған сұрақтарға жауап алды.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
