1 / 3
Қорғаныс министрлігінің Спорт комитеті – Армия орталық спорт клубының атынан сайысқа түскен сержант Әсем Орынбай Доха (Катар) қаласында өткен әлем чемпионатында стенд атудан Қазақстанға алғашқы олимпиадалық жолдама сыйлады.
Әйелдер арасындағы жекелей сайыстың іріктеу кезеңінде әскер спортшысы 125 нысананың 121-іне дәл тигізді. Қосымша атыс нәтижесінде финалға жолдама алған Әсем шешуші кезеңде 24 нысананың 20-сын атып түсіріп, үздік бестіктің қатарына кірді.
Бұл нәтиже Қазақстан құрамасына 2028 жылы Лос-Анджелесте өтетін Олимпиада ойындарына қатысуға алғашқы лицензияны иеленуге мүмкіндік берді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
