Абай ауданында республикалық маңызы бар автожолдың бойында, Қарабас кентіне жақын орналасқан «Сарышоқы» табиғи бұлағын абаттандыру жұмыстары аяқталды. Игі іс-шара республикалық «Мөлдір бұлақ» экологиялық бастамасы аясында жүзеге асырылды.
Бұлақтың айналасы тазартылып, су шығатын көздің маңы аршылып, табиғи таспен бекітілді. Келушілерге қолайлы жағдай жасау мақсатында жаяу жүргіншілер жолы салынып, суға түсетін тұстар қауіпсіз етіп жабдықталды.
Сондай-ақ демалушыларға арналған төбесі жабық күркелер мен шағын сәулет нысандары орнатылды. Автокөлікпен келетіндер үшін арнайы тұрақ орны да қарастырылған.
Бұлақ суының сапасына да айрықша назар аударылды.
Тиісті сала мамандары зертханалық талдау жүргізіп, оның қорытындысы су сапасының санитариялық-эпидемиологиялық талаптарға сай келетінін және ішуге жарамды екенін көрсетті.
«Сарышоқы» бұлағын абаттандырудың мақсаты – табиғи су көзін көздің қарашығындай сақтау ғана емес, аудан тұрғындары мен республикалық маңызы бар автожолмен жүріп өтетін жолаушылар үшін де қолайлы демалыс орнын қалыптастыру.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
