2026 жылғы 3 қарашада Атырау облысында Қазақстан Республикасы Президентінің Қазақстан халқына Жолдауын халық арасында кеңінен насихаттау, оның негізгі ережелері мен басым бағыттарын түсіндіру мақсатында ақпараттық-талдау тобының бірқатар кездесулері ұйымдастырылды.
Спикерлер құрамында депутаттар Хайруллиев М.К. және Хайруллин А.Г., министрліктердің өкілдері Қосшиев Н.Т., Ақбаров Е.Е., Сағынаев Е.Е., Бекмұхамбетов А.М., сондай-ақ Қазақстан Республикасы Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Атырау облысы бойынша департаменті басшысының міндетін атқарушы Беккалиева А.С. болды.
Бағдарлама аясында ақпараттық-талдау тобы Х. Досмұхамедов атындағы Атырау университетіне барып, ғылыми зиялы қауым өкілдерімен, профессор-оқытушылар құрамымен және студент жастармен кездесу өткізді. Іс-шара барысында Мемлекет басшысының Жолдауындағы негізгі ережелер қарастырылып, басым міндеттер айқындалды және олардың еліміздің одан әрі әлеуметтік-экономикалық дамуы үшін маңызы талқыланды.
Бағдарламаның келесі кезеңінде топ Абай атындағы оқушылар орталығына барып, мәдениет, білім және спорт салаларының өкілдерімен кездесті. Қатысушылар аталған салаларды дамыту, білім сапасын арттыру, адами капиталды нығайту және өскелең ұрпақтың әлеуетін ашуға жағдай жасау мәселелерін талқылады.
Сонымен қатар, «Атырау Ақпарат» мекемесінде жастармен, үкіметтік емес ұйымдар мен этномәдени бірлестіктер өкілдерімен кездесу өтті. Ашық диалог барысында Жолдауда көрініс тапқан өзекті мәселелер қозғалып, алдағы міндеттер қарастырылды және қатысушылардың сұрақтарына жауаптар берілді.
Өткізілген кездесулердің негізгі мақсаты – халықтың мемлекеттік саясаттың басым бағыттары туралы хабардарлығын арттыру, Мемлекет басшысы қойған міндеттерді түсіндіру, сондай-ақ қоғамның түрлі әлеуметтік және кәсіби топтарының өкілдерімен ашық диалог орнатып, пікір алмасу алаңын қалыптастыру болды.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
