ҚР ІІМ Ұлттық ұланының әскери қызметшілері Қылмыстық-атқару жүйесі департаментінің №51 мекеме қызметкерлерімен бірлесіп, азық-түлік жеткізуге келген жүк көлігін тексеру кезінде алып өтуге тыйым салынған заттарды анықтады.
Солтүстік Қазақстан облысы Саумалкөл ауылындағы №51 мекеменің көліктік бақылау-өткізу пунктінде жеке күзет ротасының 3-ші жеке атқыштар батальонының тексеру тобы күдік тудырған жүкті тапты.
Азық-түлік жеткізуге келген ГАЗ-53 жүк көлігін тексеру барысында әскери қызметшілер жедел ақпаратқа сүйенді. Тексеру кезінде тауық еті салынған жәшіктердің астына жасырылған 13 ұялы телефон мен олардың қуаттағыштары табылды.
Барлық мән-жайын анықтап, тиісті процестік шаралар қабылдау үшін оқиға орнына жедел-тергеу тобы шақырылды.
Құқықтық тәртіп әскерлерінің әскери қызметшілері мен қылмыстық-атқару жүйесі қызметкерлерінің қырағылығының арқасында бақылау-өткізу пунктінде тыйым салынған заттарды мекеме аумағына алып өту әрекетінің жолы кесілді.
#ЗАҢМЕНТӘРТІП
ҚР ІІМ Ұлттық ұланының баспасөз қызметі
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
