Шымкент қаласы ТЖД жеке құрамы дене дайындығы мен кәсіби шеберліктерін сынақтан өткізді.
Шымкент қаласы Төтенше жағдайлар департаментінің жеке құрамы кәсіби дене шынықтыру дайындығы мен өрт-құтқару дайындығы бойынша сынақ тапсырды. Іс-шараның негізгі мақсаты – қызметкерлер мен әскери қызметшілердің күнделікті қызметтік міндеттерін орындауға қажетті дене дағдыларын қалыптастыру, физикалық төзімділігі мен кәсіби даярлық деңгейін арттыру. Сынақ барысында жеке құрамның дене шынықтыру дайындығы бағаланып, өрт-құтқару дайындығы бойынша белгіленген нормативтерді орындау деңгейі тексерілді. Қызметкерлер өздерінің күш-қуатын, шапшаңдығы мен төзімділігін көрсетті. Мұндай дайындық сабақтары құтқарушылардың кәсіби шеберлігін шыңдауға, төтенше жағдайлар кезінде жедел әрі тиімді әрекет етуіне және қызметтік міндеттерін сапалы орындауына ықпал етеді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
