Бүгін аудан әкімдігінің мәжіліс залында Қазақстан Республикасы салық қызметінің құрылғанына 35 жыл толуына орай салтанатты жиын өтті.
🔹Мерейтойлық шараға қатысқан аудан әкімі Айбек Купенов салық жүйесінің мемлекеттің экономикалық тұрақтылығын қамтамасыз етудегі, бюджет кірісін қалыптастырудағы және елдің әлеуметтік-экономикалық дамуын ілгерілетудегі айрықша маңызын атап өтті. Сонымен қатар сала ардагерлері мен қызметкерлерін айтулы мерейтоймен құттықтап, жауапты қызметтеріне табыс тіледі.
🔹Салтанатты жиын барысында мемлекеттік кірістер органдарының қалыптасуы мен дамуына елеулі үлес қосқан сала ардагерлері мен қызметтік міндеттерін абыроймен атқарып жүрген бірқатар қызметкерге құрмет көрсетіліп, марапаттар табысталды.
🔹Іс-шараға қатысқан Салық органдары ардагерлері кеңесінің Ақтөбе облысы бойынша төрағасы Саламат Аманбаев құттықтау сөз сөйлеп, сала мамандары мен ардагерлеріне ізгі тілегін білдірді. Сондай-ақ салық қызметінің дамуына қосқан үлесі мен мінсіз еңбегі үшін бірқатар азаматқа алғыс хаттар табыс етті.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
