Департамент ұжымы Қазақстан Республикасы Президентінің Жолдауымен танысты

Бүгін Ұлытау облысы бойынша халықты әлеуметтік қорғау саласындағы реттеу және бақылау комитеті департаментінің ұжымы Қазақстан Республикасы Президентінің Жолдауымен тікелей эфирде танысты.
Президент Жолдауы – еліміздің даму бағыттарын, мемлекеттік саясаттың басымдықтары мен алдағы кезеңге арналған негізгі міндеттерді айқындайтын маңызды құжат. Онда мемлекеттің әлеуметтік-экономикалық әлеуетін нығайтуға, азаматтардың әл-ауқатын арттыруға және халықтың өмір сүру сапасын жақсартуға бағытталған мақсаттар белгіленеді.
Халықты әлеуметтік қорғау жүйесі үшін мемлекеттік қолдаудың тиімділігін арттыру, көрсетілетін қызметтердің сапасын жетілдіру, әлеуметтік инфрақұрылымның қолжетімділігін қамтамасыз ету және мемлекеттің ерекше назарын қажет ететін азаматтардың құқықтарын қорғау мәселелері ерекше маңызға ие.
Департамент ұжымы өз құзыреті шегінде мемлекеттік қызметтерді сапалы әрі уақтылы көрсетуге, медициналық-әлеуметтік сараптама саласындағы жұмысты жетілдіруге, сондай-ақ мүгедектігі бар адамдар мен халықтың жүріп-тұруы шектеулі топтары үшін әлеуметтік инфрақұрылым нысандарының қолжетімділігін арттыруға бағытталған жұмыстарды жалғастырады.
Президент Жолдауымен танысу алға қойылған міндеттердің маңызын терең түсінуге және оларды іске асыруда әрбір мемлекеттік қызметшінің жауапкершілігін сезінуге мүмкіндік береді.