Х. Досмұхамедов атындағы Атырау университетінде «Заң мен тәртіп: құқықтарыңды біл, міндетіңді орында, жауапкершілікті сезін» тақырыбында студенттермен кездесу өткізді

Атырау облысы Әділет департаменті басшысының орынбасары, Әдеп жөніндегі уәкіл М.А. Музатова мен Құқықтық түсіндіру жұмысы және заңгерлік қызмет көрсету бөлімінің басшысы А.А. Анжанова Х. Досмұхамедов атындағы Атырау университетінде «Заң мен тәртіп: құқықтарыңды біл, міндетіңді орында, жауапкершілікті сезін» тақырыбында студенттермен кездесу өткізді.
Кездесудің негізгі мақсаты – жастардың құқықтық сауаттылығын арттыру, заң талаптарын сақтау мәдениетін қалыптастыру және құқықтары мен міндеттері туралы түсініктерін кеңейту.
Кездесу барысында Қазақстан мемлекеттілігінің қалыптасу тарихына да назар аударылды. Атап айтқанда, «Республика: тарихымыз – тұғырымыз» тақырыбы аясында 1990 жылғы 25 қазандағы Мемлекеттік егемендік туралы Декларацияның тарихи маңызы, тәуелсіз Қазақстанның құқықтық негіздері және ел егемендігінің қалыптасу кезеңдері туралы ақпарат берілді.
Сонымен қатар студенттерге азаматтардың құқықтары мен міндеттері, заң талаптарын сақтау, құқықтық жауапкершілік және қоғамдағы заң мен тәртіптің маңызы түсіндірілді. Бұдан бөлек, қаржылық сауаттылықты арттыру, жеке қаржыны тиімді басқару, қаржылық қауіпсіздікті сақтау және алаяқтық әрекеттерден сақтану мәселелері қозғалды.
Кездесу жастардың тарихи танымын кеңейтуге, ел тәуелсіздігінің құндылығын ұғындыруға, заңға құрметпен қарауға және қоғам алдындағы жауапкершілігін сезінуге бағытталды.