Прага, 2026 жылғы 22 қазан - Қазақстан Республикасы Елшілігінің консулы А. Қадыр Чех Республикасының Ішкі істер министрлігі Халықаралық ынтымақтастық және Еуропалық одақ департаменті директорының орынбасары Рената Ржапковамен кездесу өткізді.
Кездесу барысында тараптар визалық-көші-қон саласындағы екіжақты ынтымақтастықтың өзекті мәселелерін, оның ішінде қызметтік паспорт иелерін өзара визалық талаптардан босату мәселелері бойынша одан әрі өзара іс-қимылды, сондай-ақ Қазақстан мен Еуропалық одақ арасындағы визалық режимді жеңілдету және реадмиссия саласындағы келісімдерді ілгерілету мәселелерін талқылады.
Кездесу қорытындысы бойынша чех тарапы аталған бағыттар бойынша сындарлы өзара іс-қимылды одан әрі жалғастыруға дайын екенін растады. Тараптар сондай-ақ екіжақты ынтымақтастықтың өзекті мәселелері бойынша тұрақты байланыстарды қолдауға және ақпарат алмасуға өзара мүдделілік білдірді.
