1 / 8
Жамбыл облысының әкімі Ербол Қарашөкеев Қазақстан Республикасы Президентінің 2026 жылғы 12 қазандағы «Барлық деңгейдегі мәслихаттардың өкілеттігін мерзімінен бұрын тоқтату туралы» Жарлығына сәйкес сегізінші шақырылған облыстық мәслихат депутаттарымен кездесті.
Өңір басшысы облыстың әлеуметтік-экономикалық дамуына, тұрғындардың әл-ауқатын арттыруға және өңірлік маңызы бар мәселелерді шешуге қосқан үлестері үшін халық қалаулыларына алғысын білдірді.
Айта кетейік, сегізінші шақырылымның жұмысы барысында облыстық мәслихаттың 37 сессиясы өткізіліп, 356 шешім қабылданды. Депутаттар тұрғындарды толғандырған өзекті мәселелер бойынша 505 депутаттық сауал жолдап, мәслихат қызметіне қатысты 418 өкім шығарылды.
