Солтүстік Қазақстан облысында «Әйелдер кәсіпкерлігін дамыту» бағыты аясында «Кәсіпкер әйел» құралы бойынша әйелдерге арналған оқыту бағдарламасын іске асыру жоспарлануда.
Бағдарлама Солтүстік Қазақстан облысы әкімдігінің кәсіпкерлік және индустриялық-инновациялық даму басқармасы және Атамекен Кәсіпкерлер палатасымен бірлесіп ұйымдастырылады.
Бағдарламаның мақсаты — әйелдердің кәсіпкерлік бастамаларын қолдау, бизнес жүргізу дағдыларын дамыту және цифрлық сауаттылығын арттыру. Оқыту қатысушыларға өз ісін ашуға, бизнестің табыстылығын арттыруға және заманауи технологияларды пайдалана отырып, кәсіпкерлік қызметін дамытуға қажетті білім мен практикалық құралдарды меңгеруге мүмкіндік береді.
Оқытудың 6 бағыты
1. «Пайдалы бизнес» Қаржы, салық және бизнестің қаржылық көрсеткіштерін басқару.
2. «Құндылық формуласы» Маркетинг, бірегей сауда ұсынысы және бағаны төмендетпей сатылымды арттыру.
3. «Сату автопилоты» SMM, Meta Ads арқылы нысаналы жарнама және сатылым воронкаларын құру.
4. «Автопилоттағы дүкен» Электрондық коммерция және онлайн-сатылымды дамытуда нейрожелілерді қолдану.
5. «Бизнеске арналған цифрлық құралдар» Telegram-боттар мен сатылымға бағытталған сайттарды өз бетінше жасау.
6. «Сатылымға әсер ететінREELS» Сатылымға бағытталған бейнеконтент жасау және цифрлық дағдыларды монетизациялау.
Қатысушылар өздерінің қызығушылықтары мен қажеттіліктеріне сәйкес ұсынылған алты бағыттың бірін таңдай алады. Оқыту барысында олар өз бизнесінде қолдануға болатын заманауи білім мен практикалық дағдыларды меңгереді.
Бағдарлама әйелдердің кәсіпкерлік әлеуетін арттыруға, бизнестің тұрақтылығы мен бәсекеге қабілеттілігін нығайтуға және өңірдегі әйелдер кәсіпкерлігін дамытуға жаңа мүмкіндіктер ашуға бағытталған.
Тіркелу үшін @business_v_petropavlovske парақшасының профиліндегі сілтемеге өтіңіз!
