Астана қаласы тұрғындарының назарына Жұмыспен қамту және әлеуметтік қорғау басқармасымен мүгедектігі бар балаларды үйде оқытуға кеткен шығындарды өтеу бойынша мемлекеттік қызмет көрсетіледі. Аталған әлеуметтік көмек мүгедектігі бар баланың үйде оқытылатыны туралы білім беру ұйымының анықтамасы және дәрігерлік-консультациялық комиссияның қорытындысы негізінде әр тоқсан сайын 10 АЕК мөлшерінде тағайындалады. Уәкілетті органға өтініш беруші үйде оқытуға кеткен шығындарды өтеу бойынша әлеуметтік көмекке «Азаматтарға арналған үкімет» мемлекеттік корпорациясы» коммерциялық емес акционерлік қоғамы немесе www.egov.kz «электрондық үкімет» веб-порталы арқылы жүгінуге болады;
Порталға жүгіну үшін қажетті құжаттар тізбесі:
- көрсетілетін қызметті алушының ЭЦҚ-сымен куәландырылған электрондық құжат нысанындағы өтініш сұрау салу;
- дәрігерлік-консультациялық комиссиясы қорытындысының электрондық көшірмесі;
- мүгедектігі бар баланың оқу орнынан үйде оқитындығын растау жөнінде анықтаманың электрондық көшірмесі;
Порталда жәрдемақы тағайындау туралы хабарлама көрсетілетін қызметті берушінің уәкілетті тұлғасының ЭЦҚ-сымен куәландырылған электрондық құжат нысанында көрсетілетін қызметті алушының «жеке кабинетіне» жіберіледі.
Анықтама үшін телефондар:
«Алматы» ауданы 8 (7172) 55-01-74,
«Байқоңыр» ауданы 8(7172) 55-72-32,
«Есіл» ауданы 8(7172) 55-74-50,
«Сарыарқа» ауданы 8(7172) 55-14-87,
«Нұра» ауданы 8(7172) 55-68-40,
«Сарайшық» ауданы 8(7172) 55-68-22.
