Мемлекеттік қазынашылық комитеті 2026 жылдың тоғыз айындағы жұмыс қорытындысын шығарды

2026 жылғы 22 қазанда Мемлекеттік қазынашылық комитетінің 2026 жылдың тоғыз айындағы қызмет қорытындыларына арналған алқа отырысы өтті.
Онлайн форматтағы Алқа отырысына Мемлекеттік қазынашылық комитетінің төрағасы Рахат Тоқбаев төрағалық етті.
Алқа отырысы барысында Мемлекеттік қазынашылық комитеті төрағасының орынбасарлары Айгүл Байгужина мен Мұрат Әділханов баяндама жасады.
Отырысқа қатысушылар есепті кезеңдегі қызмет нәтижелерін, ағымдағы қызметтің өзекті мәселелерін, сондай-ақ алдағы кезеңге арналған негізгі міндеттерді талқылады.
Қаржы жылының аяқталуына дайындыққа, қойылған міндеттердің уақтылы әрі сапалы орындалуына, хаттамалық тапсырмалардың орындалу барысына, сондай-ақ ағымдағы қаржы жылының ұйымдасқан түрде аяқталуын қамтамасыз етуге қажетті шараларға ерекше назар аударылды.
Алқа отырысының қорытындысы бойынша алдағы жұмыстың басым бағыттары айқындалып, 2026 жылдың соңына дейінгі кезеңге Комитеттің аумақтық департаменттері мен құрылымдық бөлімшелеріне арналған міндеттер белгіленді.