ҚҰС ШАРУАШЫЛЫҒЫ ДАМЫП, ЖҰМЫРТҚА ӨНДІРІСІ АРТЫП КЕЛЕДІ

Ордабасы ауданында ауыл шаруашылығының маңызды бағыттарының бірі – құс шаруашылығы дамып келеді. Соның ішінде Ордабасы ауданына қарасты Шұбар ауылдық округіндегі «Абеке» шаруа қожалығы жұмыртқа өндіру ісін жолға қойып, өңірдің азық-түлік нарығын отандық өніммен қамтамасыз етуге үлес қосуда.
2021 жылдан бері жұмыс істеп келе жатқан шаруашылықтың негізгі бағыты – тауық жұмыртқасын өндіру. Қожалық төрайымы Күлән Каленқызы Бектұрғанованың жетекшілігімен бүгінде мұнда 70 мың бас тауық өсіріліп, тәулігіне 45 мың дана жұмыртқа өндіріледі.
Шаруашылық өнімі «Шұбар құс» сауда маркасымен тұтынушыларға ұсынылады. Өндірілген жұмыртқалар Түркістан облысы мен Шымкент қаласындағы базарлар мен сауда нүктелеріне жеткізіліп, тұрғындардың күнделікті сұранысын өтеуге бағытталған.
Кәсіптің тағы бір маңызды нәтижесі – ауыл тұрғындарын тұрақты жұмыспен қамту. Қазіргі таңда шаруа қожалығында 15 адам тұрақты еңбек етеді.
Ордабасы ауданы әкімінің баспасөз қызметі