Қызылорда облысында жол ережесін өрескел бұзған жүргізуші жауапқа тартылды.
Қызылордада бейнебақылау камералары арқылы жол қозғалысы ережесін өрескел бұзған жүргізуші анықталды. Жүргізуші автокөлікпен қарама-қарсы бағытқа шығып, авариялық жағдай туғызған. Бұдан бөлек ол маневр жасап, қауіпсіздік белдігін тақпай көлік жүргізген.
Полиция қызметкерлері жедел түрде тиісті шаралар қабылдады. Құқық бұзушы Қызылорда қаласының 19 жастағы тұрғыны болып шықты.
Автокөлік арнайы тұраққа қойылды.
Полиция жол қозғалысына қатысушыларды жол қауіпсіздігі талаптарын қатаң сақтауға, өзге азаматтардың өмірі мен денсаулығына қауіп төндіретін әрекеттерге жол бермеуге шақырады.
