Эбола вирусы ауруының алдын алу бойынша оқыту іс-шарасы өткізілді

2026 жылғы 30 қыркүйекте «Халықаралық Әулие-Ата әуежайы» қызметкерлері арасында Эбола вирусы ауруының алдын алу мәселелері бойынша оқыту іс-шарасы өткізілді. Оқыту іс-шарасының мақсаты – қатысушылардың Эбола вирусы ауруының эпидемиологиялық ерекшеліктері, берілу жолдары, негізгі клиникалық белгілері және алдын алу шаралары туралы хабардарлығын арттыру. Іс-шара барысында инфекцияның негізгі белгілері, берілу жолдары, жеке және қоғамдық профилактика шаралары, сондай-ақ ауруға күдік туындаған жағдайда атқарылатын іс-қимыл алгоритмі түсіндірілді. Кездесу соңында қатысушылардың сұрақтарына жауап беріліп, санитариялық-эпидемиологиялық қауіпсіздік талаптарын сақтау, инфекциялық аурулардың әкелінуі мен таралуының алдын алу қажеттілігі атап өтілді.