Департаментте халықты әлеуметтік қорғау саласындағы маңызды жаңалықтарға арналған оқыту семинары өтті. Семинардың негізгі тақырыбы — Қазақстанда 2027 жылғы 1 қаңтардан бастап күшіне енетін жәрдемақы тағайындау тәртібіне енгізілетін өзгерістер.
Оқыту семинарын Департамент басшысының орынбасары Маканов Арман Муратбекович өткізді. Ол қызметкерлерге алдағы өзгерістердің негізгі бағыттарын, оларды енгізу мақсаттарын және жәрдемақыларды рәсімдеуге қойылатын жаңа талаптарды түсіндірді.
Семинар барысында келесі мәселелер қаралды:
Мемлекеттік жәрдемақыларды тағайындау және төлеу тәртібін реттейтін Қазақстан Республикасының заңнамасына енгізілетін өзгерістер;
Азаматтармен өзара іс-қимыл жасау және халық арасында түсіндіру жұмыстарын жүргізу тәртібі;
Өтініш беру процестерін автоматтандыру мақсатында ақпараттық жүйелерді цифрландыру және интеграциялау мәселелері;
Мамандардың сұрақтарына жауап беру және практикалық жағдайларды талдау.
Семинар барысында енгізілетін өзгерістердің басты мақсаты азаматтардың мемлекеттік қолдау алу рәсімдерін жеңілдету, қызмет көрсету үдерістерінің ашықтығын арттыру және әлеуметтік көмектің атаулылығын қамтамасыз ету екені атап өтілді.
Мұндай оқыту семинарлары мамандардың кәсіби біліктілігін арттыруға және заңнамадағы өзгерістерді тәжірибеде дұрыс қолдануға мүмкіндік береді.
