«Эбола қызбасы» бойынша оқу-жаттығу өткізілді

2026 жылғы 6 қазанда Ақтөбе қаласындағы «Әлия Молдағұлова» халықаралық әуежайының санитариялық-карантиндік бақылау пунктінде «Эбола қызбасы» тақырыбында оқу-жаттығу өткізілді.Оқу-жаттығудың мақсаты – әуе кемесінің бортында Эбола қызбасына күдікті науқас анықталған жағдайда әуежай қызметтерінің, Көліктегі Ақтөбе бөлімшелік санитариялық-эпидемиологиялық бақылау басқармасының, Ақтөбе облысының санитариялық-эпидемиологиялық бақылау департаментінің, облыстық Денсаулық сақтау басқармасына қарасты медициналық ұйымдардың, «Ақтөбе обаға қарсы күрес станциясы» және «Ұлттық сараптама орталығы» ШЖҚ РМК Ақтөбе облысы бойынша филиалы мамандарының дайындығын бағалау, сондай-ақ санитариялық-эпидемияға қарсы іс-шараларды ұйымдастыру және жүргізу алгоритмін пысықтау. Оқу-жаттығу барысында тартылған қызметтердің іс-қимыл алгоритмін сақтау, алғашқы көмек көрсету және инфекцияның таралуының алдын алу шараларын орындау тәртібі бағаланды. Оқу-жаттығу қорытындысы бойынша қатысушылар арасында талқылау жүргізіліп, тәжірибе алмасылды. Нәтижесінде оқу-жаттығуға «қанағаттанарлық» деген баға берілді.