Атырау облысында жыл басынан бері есірткі қылмысының алдын алу және оның таралуына жол бермеу бағытында бірқатар профилактикалық жұмыстар жүргізілуде
Есірткі сайттарын жарнамалайтын граффити жазбаларды анықтау және жою бойынша 49 акция мен рейдтік іс-шара өткізіліп, 600-ден аса ерікті жұмылдырылды. Нәтижесінде 120-ға жуық граффити жазба жойылды. Тұрғындарға есірткі қылмысының алдын алу бойынша 3130 ақпараттық брошюра таратылды.
Полиция ескертеді: есірткі, психотроптық заттарды немесе сол тектестерді, сондай-ақ прекурсорларды насихаттау немесе заңсыз жарнамалау үшін қылмыстық жауапкершілік көзделген.
Азаматтарды есірткінің заңсыз айналымына қатысты кез келген ақпаратқа бейжай қарамай, мұндай фактілер анықталған жағдайда полицияға хабарлау қажеттігін ескертеміз.
