Павлодар облысы білім беру басқармасының «Железин ауданының білім беру бөлімі» мемлекеттік мекемесі·Жаңалықтар мұрағаты
6 қазан күні Мұғалімдер күніне орай «ҰСТАЗ. ҰЛАҒАТ. ҰРПАҚ» атты мерекелік кеш өтті. Бұл шара өскелең ұрпақты тәрбиелеу мен білім беруге өмірін арнаған жандарға деген құрмет пен алғыстың шынайы мерекесіне айналды.
Ұстаздық — жай ғана мамандық емес. Бұл — жүрек қалауы, үлкен жауапкершілік пен күнделікті елеулі еңбек, оның нәтижесі жылдар өте келе көрінеді. Баланың өз күшіне сенуіне, қабілетін ашуына және болашаққа алғашқы қадам жасауына көмектесетін де — мұғалім.
Салтанатты шара аясында білім беру жүйесін дамытуға елеулі үлес қосқан педагогтарды марапаттау рәсімі өтті. Мұғалімдердің, қосымша білім беру педагогтарының және білім беру саласының басқа да қызметкерлерінің кәсіби жетістіктері атап өтілді.
Ауданның білім беру тарихының маңызды бөлігіне айналған, көпжылдық тәжірибесі мен өз кәсібіне адалдығы үлгі болған педагогикалық еңбек ардагерлеріне ерекше алғыс сөздері арналды.
Бағдарламада «Мұғалімнің бір күні» бейнеролигі ерекше орын алды. Онда педагогтің тыныс-тіршілігі: сабаққа дайындығы, оқушылармен жұмысы, кәсіби кездесулері және ең бастысы — шәкірттерінің жүрекжарды алғыс сөздері көрсетілді.
Мерекелік кеш жарқын концерттік бағдарламамен жалғасты. Сахнада өнер көрсеткен шығармашылық ұжымдар, жас әртістер мен вокалдық орындаушылар педагогтарға көтеріңкі көңіл-күй мен ұмытылмас әсер сыйлады.
Мұғалім тек мектеп дәптерінде ғана емес, адамның тағдырында да өшпес із қалдырады.
Барша педагогтарға шын жүректен берік денсаулық, отбасылық әл-ауқат, шығармашылық илхам, кәсіби табыс және алғыс білдіретін шәкірттер тілейміз!
Мұғалімдер күні құтты болсын! Әрбір сабағыңыз шабытқа, әрбір күніңіз қуанышқа, ал әрбір еңбегіңіз шынайы құрметке толы болсын!
