Балалардың терезеден құлау жағдайларының алдын алу шаралары күшейтілді
Қазақстан Республикасы Төтенше жағдайлар министрлігінің тапсырмасына сәйкес Абай облысында балалардың терезеден құлау жағдайларының алдын алуға бағытталған профилактикалық іс-шаралар жүргізілуде.
Іс-шараларға Төтенше жағдайлар департаментінің, Полиция департаментінің және Білім басқармасының қызметкерлері қатысуда. Мектепке дейінгі білім беру ұйымдарында және балалар ауруханаларында түсіндіру жұмыстары жүргізіліп, балалар болатын бөлмелерге тексеру жүргізілуде. Сондай-ақ терезелерде орнатылған арнайы тежегіштердің жай-күйі тексерілуде.
Балалардың қауіпсіздігін қамтамасыз ету және жазатайым оқиғалардың алдын алу бойынша профилактикалық жұмыстар облыстың барлық аудандары мен қалаларында жалғастырылатын болады.
