Бүгін Қазақстан Республикасының Экология және табиғи ресурстар министрі Ә. С. Қуантыров Орман шаруашылығы және жануарлар дүниесі комитетінің Республикалық жедел басқару орталығының (РЖБО) жұмысымен танысты. Министрге орман өрті жағдайының мониторингі және орман өрттеріне жедел ден қою жөніндегі жұмыстарды ұйымдастыру таныстырылды.
Сапар барысында Ә. Қуантыровқа іс-қимыл тәртібін және қалыптасқан жағдайға байланысты қажетті күштер мен құралдарды дәйекті тартуды көздейтін мемлекеттік органдар мен ұйымдардың орман өрттеріне ден қою кезіндегі басқару мен өзара іс-қимылының қолданыстағы алгоритмі ұсынылды.
Орман шаруашылығы және жануарлар дүниесі комитеті төрағасының орынбасары М.М. Елемесовтың «Орман өрттерін анықтау және оларға ден қою жүйесі туралы» баяндамасы тыңдалды.
Сондай-ақ, РЖБО -ның орман өрттерін мониторингілеу және есепке алу, өрттің ықтимал таралуын модельдеу, жедел карталарды қалыптастыру, жұмылдырылған күштер мен құралдар туралы ақпаратты жинау және нақтылау, ормандарды авиациялық қорғауды бақылау және ҚР ТЖМ Командалық орталығымен өзара іс-қимыл жөніндегі жұмысы көрсетілді.
Сонымен қатар, государственный орган басшысына Министрліктің үш бағыт бойынша біріктірілген негізгі цифрлық жобалары ұсынылды: орман қорын қорғау және молықтыру, табиғатты пайдалану және қалдықтармен жұмыс істеу. Демонстрация барысында орман өрттерін ерте анықтау жүйесі, табиғи ресурстардың интерактивті картасы Tabigat.gov.kz, «Сфера-бақылау» жүйелері, Қоршаған орта мен табиғи ресурстардың жай-күйі туралы Ұлттық деректер банкі, ECOAGENT, ECOQOLDAY ЖИ құралы, стихиялық полигондардың ғарыштық мониторингі және қалдықтардың барлық түрлерін басқарудың ұлттық цифрлық платформасын құру тәсілдері көрсетілді.
Танысу қорытындысы бойынша Министр РЖБО жұмысын одан әрі жетілдіру, орман өрті жағдайының мониторингінің жеделдігін арттыру және орман өрттеріне ден қою кезінде мемлекеттік органдар мен ұйымдардың тиімді өзара іс-қимылын қамтамасыз ету жөнінде тапсырмалар берді.
РЖБО 2025 жылы орман өртінің жағдайын орталықтандырылған мониторингілеу және орман өрттеріне ден қоюды жедел ақпараттық сүйемелдеу үшін құрылған. Орталықта жедел кеңестер өткізуге арналған жұмыс орындары, бейне қабырға және зал жабдықталған.
