✨ Ақтөбеде ерекше балаларға арналған 300 орындық балабақша құрылысына пресс-тур өтті
👤 Іс-шараға Ақтөбе облысының құрылыс, сәулет және қала құрылысы басқармасы басшысының орынбасары Аслан Жарасбаев және бұқаралық ақпарат құралдарының өкілдері қатысты.
📌 БАҚ өкілдеріне ерекше білім беру қажеттіліктері бар балаларға арналған арнайы балабақшаның құрылысы көрсетілді. 300 орынға есептелген нысанда даму ерекшеліктері әртүрлі балаларға арналған мамандандырылған бөлмелер, медициналық блок, бассейн, акт залы, тамақтану блогы және басқа да қажетті орындар қарастырылған. Ғимараттың сәулеттік шешімі гүл пішінінде орындалып, орталық атриум мен қысқы бақ қарастырылған.
🏫 Жаңа арнайы 300 орындық балабақша өңірдегі осындай ірі нысандардың біріне айналады.
