ЗАҢГЕРЛІК КУРС: НОТАРИАТ
Батыс Қазақстан облысы Әділет департаментінің ұйымдастыруымен Махамбет Өтемісов атындағы Батыс Қазақстан университетінің студенттеріне нотариат саласы және әділет органдарының қызметі туралы дәріс өткізілді. Дәрісті Әділет департаментінің Құқық түсіндіру бөлімінің басшысы Нұржанова Гүлдана Боранбаевна өткізді.
Дәріс барысында студенттерге нотариаттың құқықтық негіздері, нотариустың қызметі және нотариаттық іс-әрекеттерді жүзеге асыру тәртібі туралы ақпарат берілді. Сонымен қатар атқарушылық жазбаның құқықтық мәні, оны жасау тәртібі және атқарушылық жазбаның күшін жою тәртібі бойынша түсіндірме берілді.
Іс-шара болашақ заңгерлердің кәсіби білімін жетілдіруге, нотариат саласындағы практикалық білімдерін арттыруға және құқықтық сауаттылығын қалыптастыруға бағытталды.
