Ойтал ауылдық округі әкімінің орынбасары Айбол Жұманұлы №22 Балалар мен жасөспірімдер спорт мектебіне барып, мекеменің жұмыс барысымен танысты. Кездесу барысында спорт мектебінің қысқы маусымға дайындығы, спорттық нысандардың жағдайы және алдағы кезеңге жоспарланған жұмыстар қаралды.
Сонымен қатар, жас спортшылардың спорттық жетістіктерімен танысып, олардың түрлі жарыстарда көрсеткен нәтижелеріне назар аударды.
Жасөспірімдерді спортқа баулу, олардың бос уақытын тиімді ұйымдастыру және салауатты өмір салтын қалыптастыру – маңызды бағыттардың бірі.
