Маңғыстау ауданы полиция бөлімінің жеке құрамы Шайыр ауылының 100 жылдық мерейтойына арналған мерекелік іс-шаралар барысында қоғамдық тәртіпті сақтау, азаматтардың қауіпсіздігін және жол қозғалысы қауіпсіздігін қамтамасыз ету бағытында қызмет атқарды.
Мерекелік іс-шаралар өтетін орындарда полиция қызметкерлері қоғамдық тәртіпті бақылауда ұстап, тұрғындар мен қонақтардың қауіпсіздігін қамтамасыз етті. Азаматтардың қауіпсіз жүріп-тұруына ерекше назар аударылып, құқық бұзушылықтардың алдын алу бойынша тиісті шаралар қабылданды.
Сонымен қатар, көлік құралдарының қозғалысын реттеу, жол-көлік оқиғаларының алдын алу және жол қозғалысына қатысушылардың қауіпсіздігін қамтамасыз ету бағытында жұмыстар жүргізілді.
Мерекелік іс-шаралардың жоғары деңгейде, тыныш әрі қауіпсіз өтуін қамтамасыз ету мақсатында полиция қызметкерлері күшейтілген режимде қызмет атқарды.
Қоғамдық тәртіп пен азаматтардың қауіпсіздігін қамтамасыз ету – полиция қызметінің басты бағыттарының бірі. Осыған байланысты полиция қызметкерлері бұқаралық іс-шаралар кезінде қауіпсіздік шараларын қамтамасыз етуді жалғастырады.
Маңғыстау ауданы полиция бөлімі
