Ақмола облысының санитариялық-эпидемиологиялық бақылау департаментінде автомобильдік жанармай құю станцияларында санитариялық-эпидемиологиялық талаптардың сақталуына арналған семинар өтті.
Іс-шара барысында жанармай құю станцияларын пайдалану кезінде сақталуы тиіс санитариялық талаптар, өндірістік және радиациялық қауіпті объектілерге қойылатын бақылау шаралары, сондай-ақ ықтимал тәуекелдердің алдын алу мәселелері қаралды.
Семинарда Департаменттің өнеркәсіптік, радиациялық-қауіпті объектілерді бақылау бөлімінің басшысы Индира Нұғыманова тиісті талаптарды сақтау тәртібі бойынша баяндама жасап, қатысушылардың сұрақтарына жауап берді.
Іс-шараға Ақмола облысының аумақтық санитариялық-эпидемиологиялық бақылау басқармаларының басшылары мен өнеркәсіптік және радиациялық қауіпті объектілерді бақылау бағытына жетекшілік ететін мамандар қатысты.
Семинар санитариялық талаптарды сақтаудың маңызын түсіндіруге, бақылау жұмысын жетілдіруге және жанармай құю станцияларындағы санитариялық қауіпсіздікті қамтамасыз етуге бағытталды.
